ജയ്പൂര്: രാജസ്ഥാനിലെ ബിക്കാനറില് പട്ടാപ്പകല് 28കാരിയെ തട്ടിക്കൊണ്ടുപോയി കൂട്ടബലാത്സംഗം ചെയ്തു. സെപ്തംബര് 25ന് ഉച്ചയ്ക്കായിരുന്നു സംഭവം. 23 പേര് ചേര്ന്നാണ് തന്നെ ബലാത്സംഗം ചെയ്തതെന്ന് യുവതി പൊലീസില് നല്കിയ പരാതിയില് പറയുന്നു. ബിക്കാനറില് തന്റെ ഉടമസ്ഥതയിലുള്ള ഭൂമി സന്ദര്ശിക്കാനെത്തിയതായിരുന്നു യുവതി.
ഇവിടെ ഖാടു ശ്യാം ക്ഷേത്രത്തിന് സമീപം ബസ് കാത്ത് നില്ക്കുകയായിരുന്ന യുവതിയെ രണ്ട് പേര് ചേര്ന്ന് കാറിലേക്ക് വലിച്ചിടുകായായിരുന്നു. വാഹനത്തില് നിന്നും ഈ രണ്ട് പേര് മണിക്കുറോളം തന്നെ ബലാത്സംഗം ചെയ്തുവെന്ന് യുവതി നല്കിയ പരാതിയില് പറയുന്നു. പിന്നീട് മറ്റ് ആറ് പേരെ ഇവര് വിളിച്ച് വരുത്തി തന്നെ ഉപദ്രവിക്കുകയും ഇതിന് ശേഷം പലാന ഗ്രാമത്തിലെ സര്ക്കാര് പവര് സ്റ്റേഷനിലേക്ക് കൊണ്ടു പോയി തന്നെ കൂട്ട ബലാത്സംഗം ചെയ്തുവെന്നും യുവതി വ്യക്തമാക്കി.
അടുത്ത ദിവസം പുലര്ച്ചെ തട്ടിക്കൊണ്ടു പോയ അതേസ്ഥലത്ത് തന്നെ യുവതിയെ കൊണ്ടു വിടുകയായിരുന്നു. സെപ്തംബര് 27നാണ് പൊലീസ് കേസ് രജിസ്റ്റര് ചെയ്തത്. സംഭവുമായി ബന്ധപ്പെട്ട് പേര് വ്യക്തമാക്കിയ 2 പേര്ക്കെതിരെയും അജ്ഞാതരായ 21 പേര്ക്കെതിരെയും പൊലീസ് കേസെടുത്തിട്ടുണ്ട്.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ