ഫറോക്ക്: പുതിയ ടെന്ഡര് വ്യവസ്ഥയിലെ അപാകതകള് പരിഹരിക്കണമെന്നാവശ്യപ്പെട്ട് ഇന്ഡ്യന് ഓയില് കോര്പറേഷന് ഫറോക്ക്, ഇരുമ്ബനം ഡിപ്പോയ്ക്ക് കീഴിലെ ട്രക്ക് ഉടമകളും തൊഴിലാളികളും സംയുക്തമായി നടത്തുന്ന അനിശ്ചിതകാല സമരം തുടരുന്നു.
21 നാണ് ഫറോക്കില് സമരമാരംഭിച്ചത്. സമരം മൂന്നുദിവസം പിന്നിട്ടതോടെ മലബാറില് ഇന്ധനക്ഷാമം അനുഭവപ്പെട്ടുതുടങ്ങിയിട്ടുണ്ട്. സമരം നീണ്ടുപോയാല് ഐ.ഒ.സിക്കു കീഴിലെ മുഴുവന് പമ്ബുകളും അടച്ചിടും. ഇപ്പോള് തന്നെ ചില പമ്ബുകള് സ്റ്റോക്ക് തീര്ന്നതിനാല് അടച്ചുതുടങ്ങിയിട്ടുണ്ട്.
കൊച്ചി ഇരുമ്ബനത്തും ഇതേ ആവശ്യമുന്നയിച്ച് ശനിയാഴ്ച മുതല് സമരം തുടങ്ങിയിരുന്നു. ഫറോക്ക് ഡിപ്പോയില് നിന്നാണ് കണ്ണൂര്,കോഴിക്കോട്, വയനാട്, മലപ്പുറം ജില്ലകളില് പെട്രോള്, ഡീസല് എന്നിവ ഐ.ഒ.സി പമ്ബുകളിലെത്തുന്നത്.
മലബാറിലെ 60ശതമാനത്തിലേറെ പമ്ബുകളും ഇന്ത്യന് ഓയില് കോര്പറേഷനു കീഴിലാണ്.
ട്രക്ക് ഓണേഴ്സ് അസോസിയേഷന്, പെട്രോളിയം ഡീലേഴ്സ് അസോസിയേഷന്, ട്രേഡ് യൂനിയന് കോ-ഓര്ഡിനേഷന് കമ്മിറ്റി എന്നിവ സംയുക്തമായാണ് സമരം
പ്രഖ്യാപിച്ചിരിക്കുന്നത്. സെപ്റ്റംബറില് ട്രക്ക് ഉടമകള് അനിശ്ചിതകാല സമരം തുടങ്ങിയിരുന്നെങ്കിലും എറണാകുളം ജില്ലാകലക്ടര് ഇടപെട്ടു ചര്ച്ച നടത്തിയതിനെ തുടര്ന്നു നിര്ത്തിവയ്ക്കുകയായിരുന്നു. ഒത്തുതീര്പ്പ് ചര്ച്ചയിലെ വ്യവസ്ഥകള് നടപ്പിലാക്കാതെ ഐ.ഒ.സി മുന്നോട്ടു പോയതാണ് വീണ്ടും സമരത്തിനിടയാക്കിയത്.
നിലവിലെ വാടക കമ്ബനി അധികൃതര് വെട്ടികുറച്ചതും പുതിയ സെന്സര് ഫിറ്റ് ചെയ്യണമെന്നുളള നിര്ദേശവും പുതിയ ലോക് സിസ്റ്റം പിന്വലിക്കണമെന്നും ആവശ്യപ്പെട്ടാണ് സമരം.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ