കൊച്ചി: നടി ആക്രമിക്കപ്പെട്ട കേസിലെ മുഖ്യ തെളിവായ ദൃശ്യങ്ങള് പകര്ത്തിയ മൊബൈല് ഫോണ് നശിപ്പിച്ചതായി പള്സര് സുനിയുടെ മുന് അഭിഭാഷകന് പ്രതീഷ് ചാക്കോ പൊലീസിനു മൊഴി നല്കി. പള്സര് സുനി തന്റെ കൈയില് മൊബൈല് ഫോണ് ഏല്പ്പിച്ചിരുന്നു. താന് അത് ജൂനിയറായ രാജു ജോസഫിനെ ഏല്പ്പിച്ചു. അദ്ദേഹം മൊബൈല് കത്തിച്ചുകളഞ്ഞെന്നാണ് പറഞ്ഞതെന്നും പ്രതീഷ് ചാക്കോ പൊലീസിനോട് പറഞ്ഞു.
കേസിലെ സുപ്രധാന തെളിവ് നശിപ്പിച്ചതിനും അതിന് കൂട്ടുനിന്നതിനും പ്രതീഷ് ചാക്കോക്കെതിരെ പൊലീസ് കൂടുതല് കുറ്റങ്ങള് ചുമത്താന് സാധ്യതയുണ്ട്. അഭിഭാഷകനായ പ്രതീഷ് ചാക്കോയുടെ കൈവശം മൊബൈല് ഏല്പ്പിച്ചുവെന്നാണ് പള്സര് സുനിയുടെ മൊഴി. ഈ മൊബൈല് ദിലീപിനെ ഏല്പ്പിക്കണമെന്നും അഭിഭാഷകനോട് പറഞ്ഞിരുന്നതായും സുനി മൊഴി നല്കിയിരുന്നു.
നടിയെ ആക്രമിച്ചു ദൃശ്യങ്ങള് പകര്ത്തിയ മൊബൈല് ഫോണ് പ്രതീഷ് ചാക്കോയെ ഏല്പ്പിച്ചുവെന്നു സുനി മൊഴി നല്കിയതിന്റെ അടിസ്ഥാനത്തില് പ്രതീഷ് ചാക്കോയെ വ്യാഴാഴ്ച പോലീസ് അറസ്റ്റു ചെയ്തിരുന്നു. ആലുവ പോലീസ് ക്ലബിലെ ചോദ്യം ചെയ്യലിനു ശേഷമായിരുന്നു അറസ്റ്റ്.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ