കോതമംഗലം: 35 ലിറ്റര് ശേഷിയുള്ള കാറിന്റെ ടാങ്കില് പെട്രോള് ബങ്ക് 39 ലിറ്റര് കുത്തിനിറച്ചു കൊള്ളിച്ചു! മാരുതി ഓള്ട്ടോ കാറില് കോതമംഗലം- അടിമാലി റൂട്ടിലെ പെട്രോള് പമ്പുകാരാണ് ഈ മറിമായം കാട്ടിയത്. കഴിഞ്ഞദിവസം നെടുമ്പാശേരിയില് നിന്ന് ഇടുക്കി തോപ്രാംകുടിയിലെ വീട്ടിലേക്ക് പോയ മച്ചുകാട്ട് ഡിവിന് ദേവസ്യയുടെ ഓള്ട്ടോ കാറിലാണു നിര്മാതാക്കളായ മാരുതിയെ അല്ഭുതപ്പെടുത്തി ഇത്രയും പെട്രോള് നിറച്ചത്.
പമ്ബില് ഫുള്ടാങ്ക് പെട്രോള് അടിക്കാന് ആവശ്യപ്പെടുമ്പോഴും ഡിജിറ്റല് മീറ്ററില് ഇന്ധനം രണ്ടുകട്ട കാണിച്ചിരുന്നുവെന്ന് ഡിവിന് പറഞ്ഞു. നിറച്ചപ്പോള് 39.20 ലിറ്റര് എന്ന് കണ്ടതിനെത്തുടര്ന്ന് ലിറ്ററിന് 72 രൂപ പ്രകാരം 2835 രൂപ നല്കി ബില്ല് വാങ്ങി.
ടാങ്ക് ശേഷി ഒരു കാരണവശാലും 35 ലിറ്ററില് കൂടില്ലെന്ന് ഉറപ്പാക്കിയശേഷം ബില്ല് സഹിതം ഇയാള് കോതമംഗലം പോലീസില് പരാതി നല്കി. എന്നാല്, ഇക്കാര്യത്തില് നടപടിയെടുക്കാന് പോലീസിന് സാധിക്കാത്തതിനാല് പരാതി അളവുതൂക്ക വകുപ്പിന് കൈമാറി
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ