പുനലൂര്: ആര്യങ്കാവ് പഞ്ചായത്ത് ഹാരിസണ് മലയാളം പ്ലാന്റേഷനിലെ ഇസ്ഫീല്ഡ് എസ്റ്റേറ്റില് ടാപ്പിംഗ് തൊഴിലാളിയായ സ്ത്രീയെ കാട്ടാന ആക്രമിച്ചു. ഇസ്ഫീല്ഡ് എസ്റ്റേറ്റ് രണ്ടാം ഡിവിഷനിലെ ലയത്തില് താമസിക്കുന്ന ബിന്ദുവിനാണ് (42) ഗുരുതരമായി പരിക്കേറ്റത്. ഇന്നലെ രാവിലെ 9.30ന് ലയത്തിന് സമീപത്തെ വി.എം.എസ് ആശുപത്രിയോട് ചേര്ന്ന റബര് തോട്ടത്തില് ജോലി ചെയ്യുന്നതിനിടെയായിരുന്നു സംഭവം.
തോട്ടത്തില് ഇറങ്ങിയ മൂന്ന് കാട്ടാനകളില് ഒന്നാണ് ബിന്ദുവിനെ ആക്രമിച്ചത്. തുമ്ബിക്കൈകൊണ്ടുള്ള അടിയേറ്റ് ഇവരുടെ തോളെല്ലിന് പൊട്ടലേറ്റു. നിലവിളി കേട്ട് ഓടിയെത്തിയ മറ്റ് തൊഴിലാളികളാണ് ബിന്ദുവിനെ രക്ഷിച്ചത് തുടര്ന്ന് തൊഴിലാളികളും വനപാലകരും ചേര്ന്ന് പരിക്കേറ്റ തൊഴിലാളിയെ പുനലൂര് താലൂക്ക് ആശുപത്രിയില് എത്തിച്ചു. പ്രാഥമിക ചികിത്സയ്ക്ക് ശേഷം ഇവരെ തിരുവന്തപുരം മെഡിക്കല് കോളേജ് ആശുപത്രിയിലേക്ക് കൊണ്ടുപോയി.
സംഭവം അറിഞ്ഞെത്തിയ എത്തിയ ആര്യങ്കാവ് ഫോറസ്റ്റ് റേഞ്ചോഫീസര് ജിയാസുദ്ദീന്െറ നേതൃത്വത്തിലുള്ള വനപാലകര് പടക്കം പൊട്ടിച്ചാണ് ആനകളെ കാട്ടിനുള്ളിലേക്ക് വിരട്ടി ഓടിച്ചത്. രണ്ടുവര്ഷം മുന്പ് മാമ്ബഴത്തറ എസ്റ്റേറ്റില് ഇറങ്ങിയ കാട്ടാന ടാപ്പിംഗ് തൊഴിലാളിയായ തുളസീധരനെ കുത്തിക്കൊന്നിരുന്നു. കഴിഞ്ഞ മൂന്ന് വര്ഷമായി എസ്റ്റേറ്റിനുള്ളില് പുലി, കാട്ടാന, കാട്ടുപന്നി അടക്കമുളളവയുടെ ശല്യം വര്ദ്ധിച്ചെങ്കിലും ഇതിനെ നിയന്ത്രിക്കാന് ഒരു നടപടിയും ഉണ്ടാകുന്നില്ലെന്നാണ് തൊഴിലാളികള് പറയുന്നത്.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ