മാണി സി കാപ്പൻ ദീനാനുകമ്പയുള്ളയാൾ.ഡോക്റ്റർ സിറിയക് തോമസ്

മാണി സി കാപ്പൻ ദീനാനുകമ്പയുള്ളയാൾ.ഡോക്റ്റർ സിറിയക് തോമസ് 

പാലാ:ഇടതുമുന്നണി സ്ഥാനാർത്ഥി മാണി സി കാപ്പൻ ദീനാനുകമ്പയുള്ളയാളാണെന്ന് മുൻ ഗാന്ധിജി യൂണിവേഴ്‌സിറ്റി വൈസ് ചാൻസലർ ഡോക്റ്റർ സിറിയക് തോമസ് അഭിപ്രായപ്പെട്ടു.ഐ എൻ ടി യു  സി നടത്തിയ എം എം ജേക്കബ്ബ് അനുസ്മരണ പരിപാടിയിൽ മുഖ്യ പ്രഭാഷണം നടത്തുകയായിരുന്നു അദ്ദേഹം

 എം എം ജേക്കബ്ബിനെ അനുസ്മരിച്ചു കൊണ്ട് അദ്ദേഹം പറഞ്ഞത് രാഷ്ട്രീയത്തിന് അതീതമായി വ്യക്തി ബന്ധം കാത്തു സൂക്ഷിച്ച മഹത് വ്യക്തി എന്നായിരുന്നു.ഇതിനെ തുടർന്നായിരുന്നു പാലായിലെ എൽ ഡി എഫ് സ്ഥാനാര്ഥിയെയും അദ്ദേഹം പരാമർശിച്ചത്.

അൽഫോൻസാമ്മയെ വിശുദ്ധയാക്കുന്ന ചടങ്ങ് റോമിൽ നടക്കുമ്പോൾ ആ ചടങ്ങ് വീക്ഷിക്കുവാൻ റോമിലേക്ക് പോയ സംഘത്തിൽ മാണിസാറും.,ഭാര്യ കുട്ടിയമ്മയും ഉണ്ടായിരുന്നു.ഭാരിച്ച ലഗേജ് ട്രോളി മാണിസാർ വലിക്കാൻ പാടുപെടുന്നത് കണ്ടപ്പോൾ മാണി സി കാപ്പൻ ഓടിച്ചെന്ന് മാണിസാറിനെ സഹായിച്ചു കൊടുത്തത് താൻ കണ്ടിരുന്നു.കായീക താരമായത് കൊണ്ട് കാപ്പന് അത് നിസ്സാര പ്രശ്നമായിരുന്നു.രാഷ്ട്രീയത്തിന് അതീതമായി പൊതു പ്രവർത്തകർ ഒന്നിക്കേണ്ട പല സാഹചര്യവും ഉണ്ടെന്ന് സിറിയക് തോമസ് കൂട്ടി ചേർത്തു.

നെഹ്‌റു ആയിരുന്നു എം എം ജേക്കബ്ബിന്റെ ഹീറോ.അതുകൊണ്ടു തന്നെ ഒട്ടേറെ നല്ല ഗുണങ്ങളും അദ്ദേഹത്തിനുണ്ടായിരുന്നു.